.png)
Gazeta Si – Një konflikt i çastit në rrugën “Aleksandër Moisiu” ka degraduar deri në përdorimin e armës. Për pasojë, ka mbetur i plagosur në këmbë Juxhin Hamajesi, 34 vjeç.
Ai u paraqit në spital pak para mesnatës së mbrëmshme, ndërsa policia është vënë në kërkim të autorit të plagosjes. I riu ndodhet në spital ku po merr mjekimin e duhur fatmirësisht jashtë rrezikut për jetën.
Hamajesi nuk është emër i panjohur për policinë. Ai kishte mbetur i plagosur në vitin 2018 pasi u qëllua me armë zjarri nga njeriu i Ervis Martinajt, ish-polici Santiago Malko në zonën e Kinostudios. Po ashtu, 34 vjeçari rezulton të jetë arrestuar në qershor të vitit 2021 për trafikun e klandestinëve sirianë.
“Më datë 26.05.2026, rreth orës 23:55, është paraqitur në spital për ndihmë mjekësore, i plagosur në këmbë, dyshohet me armë zjarri, shtetasi J. H., rreth 34 vjeç, i cili ndodhet jashtë rrezikut për jetën. Nga veprimet e para hetimore dyshohet se plagosja ka ndodhur në rrugën “Aleksandër Moisiu” gjatë një konflikti të çastit për motive të dobëta. Grupi hetimor nën drejtimin e Prokurorisë po vijon punën për zbardhjen e rrethanave, identifikimin dhe kapjen e autorit/ve”, thuhet në njoftim.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje