.png)
Policia e Dibrës ka vënë në pranga 2 persona, pasi janë konfliktuar me komshiun dhe e kanë plagosur atë.
Policia thotë se pas njoftimit të marrë për një konflikt në lagjen “Treg”, Peshkopi, ku disa persona po konfliktoheshin me njëri-tjetrin, kanë ndërhyrë për parandalimin e përshkallëzimit të konfliktit, duke arrestuar autorët e nisjes së konfliktit. Në pranga janë vënë shtetasit L. D., 24 vjeç, dhe XH. D., 20 vjeç, banues në Peshkopi, (vëllezër), të cilët u arrestuan për veprën penale “Plagosja e lehtë me dashje” kryer në bashkëpunim.
Siç njofton policia, dy vëllezërit në bashkëpunim me njëri-tjetrin për motive të dobëta, janë konfliktuar dhe kanë plagosur me mjete të forta, jashtë rrezikut për jetën (komshiun e tyre), shtetasin K.N dhe djalin e tij.
Materialet procedurale i kaluan Prokurorisë së Rrethit Gjyqësor Dibër, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
