.png)
Policia e Tiranës ka parandaluar përshkallëzimim e një konflikti dhe ka vënë në pranga dy të rinj për tentativë vrasje.
Policia thotë se ngjarja ka ndodhur në një ambient Fast Food-i, në rrugën “Myslim Shyri”.
Mësohet se në pranga janë vënë Reis Osmërija, 21 vjeç dhe Alban Gaçi, 27 vjeç. Këta dy persona kanë qëlluar me thikë duke e plagosur, 23-vjeçarin Renato Shaulli, i cili ndodhet në spital nën kujdesin e mjekëve.
Në cilësinë e provës materiale, grupi hetimor sekuestroi një armë të ftohtë thikë, me të cilën autorët kryen veprën penale.
Mbi dy të rinjtë e arrestuar rëndojnë veprat penale “Vrasje me dashje, e mbetur në tentativë, kryer në bashkëpunim” dhe “Mbajtja pa leje e armëve të ftohta”.
Materialet e para hetimore i kalojnë Prokurorisë Pranë Gjykatës së Shkallës së Parë Tiranë, për hetime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
