.png)
Deri në orën 18:00,nga të dhënat e deritanishme nga KQZ, Qarku i Tiranës kryeson me numrin më të lartë të votuesve ku pjesëmarrja është 51.63%, më lartë se mesatarja në rang vendi.
Sa u përket bashkive, Bashkia e Tiranës kryeson me 53.66 %.
Brenda bashkisë së Tiranës, Njësia numër 5 që njihet si bastion i Partisë Socialiste ka pjesëmarrjen më të lartë me 54.62 % ndërsa Njësia 4 ka pjesëmarrjen më të ulët me 48.90% dhe njihet si një zonë miks votuesish.
Ndërkaq, në rang kombëtar, qarku me pjesëmarrjen më të ulët të votuesve është Vlora ku përqindja është përkatësisht 32.9 % ose gati 10 përqind më pak se mesatarja kombëtare.
Në këtë qark, “Bashkia Finiq” që përbëhet me shumicë dërrmuese të banorëve të minoritetit grek ka pjesëmarrjen më të ulët të votuesve me 15.34 %.
Bashkia e Selenicës dhe e Vlorës kanë pjesëmarrjen më të lartë , përkatësisht me 41.31% dhe 35.49%. Edhe bashkia e Sarandës, ku përfshihet qyteti gjithashtu ka pjesëmarrje të ulët me 31.74%.
Pas Tiranës, pjesëmarrja më e lartë e votuesve është në qarkun e Dibrës me 51.22 %. Aktualisht, pjesëmarrja e qytetarëve në zgjedhjet parlamentare të 25 prillit deri në orën 18:00 është 45.35%
Pas qarkut të Tiranës dhe Dibrës, nga 12 qarqet, pjesëmarrja është me e lartë në qarkun e Kukësit me 47.91% i cili ndiqet nga Elbasani me 48.02 %.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
