Ambasada amerikane në Tiranë përshëndet përzgjedhjen e 103 kandidatëve për Byronë Kombëtare të Hetimit.
“Urime kandidatëve të cilët kaluan në raundin tjetër të procesit së përzgjedhjes për Byronë Kombëtare të Hetimit. Jo të gjithë ia dolën sepse procesi është i vështirë, por i domosdoshëm, për të gjetur më të mirët e Shqipërisë”.
Nga 403 kandidatë për Byronë Kombëtare të Hetimit, vetëm 103 kandidatë kanë arritur që ta kalojnë testin e aftësive fizike, 300 prej tyre janë skualifikuar.
Këta kandidatë do t’i nënshtrohen testit të esesë me shkrim me 26.10.2020.
Testi i radhës do të zhvillohet në Pallatin e Kongreseve. Pas testit të esesë, kandidatët i pret vetingu dhe makina e së vërtetës.
Nga 103 kandidatë vetëm 60 do të pranohen në BKH.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.