.png)
Policia e Tiranës ka vënë në pranga 3 shtetas dhe ka shpallur në kërkim 3 të tjerë, pasi akuzohen për vepra penale kundër procesit zgjedhor. Mësohet se të arrestuarit janë nga Babrruja dhe kanë ushtruar dhunë në ambientet e KZAZ-së në shkollën “Ibrahim Rugova” në Kamëz.
Policia bën me dije se në pranga kanë rënë shtetasit Andon Prençi, Petrit Prençi vëllezër me njëri-tjetrin dhe Dritan Dervishi.
Ndërkohë janë shpallur në kërkim shtetasit me inicialet L. M., R. N. dhe B. P.
Personat në fjalë ishin militantë të PD-së dhe kanë hapur me forcë derën kryesore të shkollës “Ibrahim Rugova” e cila ishte kthyer në KZAZ nr. 27 për materialet zgjedhore të 30 qershorit. Më 19 qershor dhjetëra protestues u përleshën me efektivët e policisë. Të paktën pesë persona mbetën të plagosur si pasojë e përplasjeve, mes të cilëve dy efektivë të Policisë së Shtetit dhe të paktën një efektiv i policisë bashkiake.
Ndërkohë, policia njofton se vijon puna për kapjen dhe vënien para përgjegjësisë për shtetasit e shpallur në kërkim. Materialet iu dërguan Prokurorisë së Rrethit Gjyqësor Tiranë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
