Banorët e fshatit Bënçë në Tepelenë, janë përplasur fizikisht me përfaqësuesit e firmës që po ndërton rrugën që lidh zonën me Kurveleshin.
Policia ka shoqëruar në komisariat banorë të zonës, përfaqësues të firmës dhe aktivistin për mbrojtjen e mjedisit, Auron Tare.
Ish-deputeti socialist, ka qenë i pranishëm për të realizuar një dëgjesë publike, e cila ka dështuar për shkak të konfliktit mes palëve.
Me mbështetjen e përfaqësuesve të mjedisit, banorët kanë ngritur zërin për ndotjen që po shkaktojnë këto punime, duke cenuar ndjeshëm cilësinë e jetës së tyre.
Banorët e Bënçës, prej kohësh janë kundër ndërtimit të një kantieri dhe një fabrike asfalti që do të shfrytëzohet për punimet e rrugës Tepelenë-Kurvelesh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.