Policia e Elbasanit ka arrestuar dy persona të tjerë, të përfshirë në shkëmbimin me armë zjarri një ditë më parë në lagjen “Emin Matraxhiu”, Elbasan.
Policia thotë se në pranga janë vënë dy të rinjtë F. F., 21 vjeç, dhe E. C., 21 vjeç,, si dhe është shpallur në kërkim 21-vjeçari A. C., i akuzuar për veprat penale “Vrasje me dashje” e mbetur në tentativë, e kryer në bashkëpunim dhe “Armëmbajtja pa leje”.
Gjithashtu vijon puna për kapjen e tij dhe për kapjen e autorit tjetër, shtetasi M. Q.
Një ditë më parë u arrestua te Spitali i Traumës, ku po merrte trajtim mjekësor pas plagosjes, Elvis Koçi (Çaushllari), 28 vjeç, një person me rekorde kriminale, që njihej dhe me nofkën “korçari”.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme procedurale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.