Gazeta Si - Në Nju Jork dy trena të metrosë u përplasën pranë stacionit të “Rrugës 96”. Sipas mediave amerikane, njëri prej dy trenave doli nga shinat duke shkaktuar disa shkaktuar lëndime të lehta te të paktën 24 pasagjerë.
Linjat 1, 2 dhe 3 të metrosë u bllokuan, ndërkohë që po vijojnë hetimet për të konstatuar dinamikën e aksidentit.
Një tren i Linjës 1 dhe një tren pune i Autoritetit të Transportit Metropolitan (MTA) u përfshinë, duke udhëtuar drejt veriut pranë stacionit të “Rrugës 96” në Upper West Side të Manhatanit.
Rreth 300 njerëz u evakuuan nga treni i pasagjerëve që doli nga shinat, ndërsa zjarrfikësit gjithashtu larguan disa qindra njerëz nga një kolonë e tretë, e cila nuk ishte i përfshirë, por u desh të ndalonte në tunel për shkak të përplasjes.
"Fatmirësisht askush nuk u plagos rëndë", u tha zëvendësshefi i FDNY, Ian Swords, gazetarëve jashtë stacionit të trenit.
Rich Davey, kryetar i MTA, tha se nuk kishte asgjë që të sugjeronte se përplasja ishte e lidhur me ndonjë problem teknik dhe një hetim është duke u zhvilluar për çdo faktor njerëzor që mund ta ketë shkaktuar atë.
"Natyrisht që dy trena nuk duhet të përplasen. Ne do t'i shkojmë deri në fund çështjes", - shtoi ai.
Shërbimi në linjat 1, 2 dhe 3 u ndërpre në një zonë të madhe të Manhatanit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.