Një sherr i dhunshëm mes disa personave, ka ndodhur në ambientet e palestrës së shkollës “1 Maji” në Tiranë, që është dhe KZAZ-ja numër 30.
Incidenti ka ndodhur gjatë mbrëmjes së të hënës, ku disa persona, mes të cilëve sipas policisë, një vëzhgues dhe një numërues i votave, janë përfshirë në një përplasje fizike me grushte dhe me sende të forta në prani uniformave blu.
Këta të fundit kanë ndërhyrë për të ndarë personat e përfshirë në sherr, të cilët dyshohet se i përkasin forcave politike të PD-PS. Përplasja ka vazhduar edhe në ambientet e jashtme. Mësohet se këta persona janë të shoqëruar në polici.
Sherbimet e policisë kanë ndërhyrë menjeherë dhe kanë bërë shoqërimin e 8 personave për veprime të metejshme hetimore.
Aktualisht ka ndaluar procesi i numërimit të votave në këtë KZAZ. Menjëherë në shkollën "1 Maji" ka shkuar edhe Komisioneri Shtetëror i Zgjedhjeve, Ilirjan Celibashi, i cili ka kërkuar informacione për ngjarjen.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.