Për shkak të pandemisë, njerëzit po veshin rroba palestre, të rehatshme, kudo

Pandemia ndryshoi mënyrën se si njerëzit e shohin trupin e tyre dhe bëri që të gjithë të “turren” për në palestër. Duke parë këtë, disa marka po përfitojnë nga rasti dhe po dalin nga kornizat e tyre duke krijuar produkte për palestër.

Telfar, marka e modës e njohur për përdorimin e lëkurës vegane, çantën e dorës “pa gjini” ka njoftuar se do të nxjerrë në treg një linjë veshjesh sportive në shtator. Pangaia, pionier i modës së qëndrueshme ka njoftuar se do të ketë një linjë veshjesh për palestër prej 31 pjesësh.

"Deri më tani këtë vit, shitjet për palestër kanë tejkaluar shitjet e modës", tha Matt Powell, një këshilltar në studiuesin e tregut me pakicë të NPD Group.

Pavarësisht se ishte një trend para pandemisë në fakt sipas Chantal Fernandez, nga faqja e internetit të industrisë Business of Fashion, "rritja e shpejtë e saj ishte ngadalësuar vitet e fundit" dhe në vitin 2020 tregu i veshjeve për palestër arriti 40% të të gjitha shitjeve në internet .

"Ky nuk është një trend i shpejtë, është një ndryshim i stilit të jetës", tha Fernandez.

Në të vërtetë, pandemia përshpejtoi një stil jetese më "hibrid". Puna, shtëpia dhe aktivitetet e tilla si ushtrimet u bashkuan së bashku dhe shpërndanë kufijtë që i kishin ndarë më parë. Njerëzit po vishen për të shprehur këtë ndryshim.

Rrobat e palestrës janë bërë veshje të përditshme, pasi njerëzit veshin rroba palestre dhe në kohën kur vishnin xhinse më parë.

"Pandemia bëri që palestra të dilte dhe në rrugë. Nëse më parë njerëzit vishnin rroba të tjera rrugës për në palestër, tani kjo ka ndryshuar dhe kudo shikon njerëz që është e vështirë të kuptosh nëse po shkojnë në palestër apo kanë dalë për një kafe”, tha historiani i modës Deirdre Clemente.

Lululemon njoftoi një rritje të shitjeve me 88% në tremujorin e parë të këtij viti. Under Armour raportoi një rritje të shitjeve nga viti në vit me 35%. Markat e sportit të tilla si Puma, Gap’s Athleta dhe markat e këpucëve si Brooks, On dhe Hoka të gjitha kanë dalë më mirë se çdo vit paraardhës.

Pavetëdije, njerëzit u mësuan me rehatinë e shtëpisë dhe vazhdojnë të jetojnë me atë rehati dhe tani që kanë mundësi të dalin.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.