Stevo Pendarovski mund të jetë kandidati konsensual i LSDM-së dhe BDI-së në Maqedoni. Sipas sondazheve të agjencive të angazhuara për opinionin publik nga partia e Kryeministrit Zoran Zaev, Pendarovski ka rezultuar si më i votuari tek qytetarët në Maqedoninë e Veriut, duke përfshirë edhe komunitetet e tjera etnike, njofton agjencia INA, që citon burime pranë LSDM-së. Ai pritet të shpallet sot zyrtarisht, pasi kryeson listën e pesë kandidatëve që kanë kaluar raundin final.
Pas tij radhitet ministri i jashtëm Nikolla Dimitrov, ndërsa i treti është ministri i brendshëm Oliver Spasovski që ka gëzuar mbështetjen më të madhe nga anëtarësia e LSDM. Pendarovski aktualisht është koordinator i qeverisë në NATO, ndërsa njihet si ish-kandidat për president në zgjedhjet e kaluara presidenciale. Ndërkohë në kampin tjetër, partia më e madhe opozitare VMRO- DPMNE e ka zgjedhur Gordana Siljanovskën si kandidate për presidente që para dy javësh.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.