Ndeshja mes Spanjës dhe Brazilit ishte shumë larg një miqësoreje, të paktën në fushë. Tensioni ishte i lartë gjatë gjithë kësaj ndeshjeje, pasi edhe rezultati ishte i hapur. Spanja ishte dy herë në avantazh, por në fund gjithçka u mbyll 3-3.
Spanja përfitoi dy penallti, duke shkaktuar zemërim te eksponentë të ndryshëm të Seleçaos. Disa nga lojtarët e Brazilit gjykojnë se me VAR të paktë një nga penalltitë nuk do të ishte akorduar.
Presidenti i Federatës Braziliani te Futbollit, Ednaldo Rodrigues, ka pohuar se CBF do të informojë FIFA-n se jo vetëm në ndeshjet zyrtare, por edhe në miqësore duhet të përdoret VAR-i, kur luan Brazili. Rodrigues shprehu indinjatën për faktin se futbolli në Europë është kaq i avancuar dhe i mungon një element krucial si VAR-i në një ndeshje të nivelit kaq të lartë.
Numri 1 i futbollit brazilian kritikoi edhe UEFA-n, duke thënë se duhet të jetë më ekzigjente sa i takon VAR-it. Sipas Rodrigues, nuk ka arsye pse të mos përdoret teknologjia edhe në ndeshje miqësore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.