Ndërsa mund të duket se periudha festive fillon gjithnjë e më herët, një rregull ka mbetur gjithnjë i shenjtë: pasi të mbarojnë 12 ditët e Krishtlindjeve, është koha që zbukurimet të hiqen.
Megjithatë, ata që kërkojnë një sezon të ri për të festuar, vazhdojnë me Pemën e Shën Valentinit. Tashmë është një trend i ri në SHBA, ndërsa Pinterest ka raportuar një rritje 87 përqind të njerëzve në Evropë që kërkojnë frymëzim për pemë të Shën Valentinit.
Romantike apo qesharake? Më poshtë, po ju tregojmë pesë gra që shpjegojnë pse e ndjejnë dashurinë edhe në pemët e tyre të Shën Valentinit këtë vit …
Mezi pres që të shoh fytyrën e të dashurit tim!
Sarah Allsop, 44 vjeç, është menaxhere në një kompani furnizimesh. Ajo shprehet: “Që kur e vura re këtë prirje në mediat sociale, unë i kam vënë vetes një qëllim, të mbuloj rishpik pemën e Krishtlindjes dhe ta kthej në një karamele të mrekullueshme, apo në një ëmbëlsirë gjigante për të dashurin tim, Johnny. Ne të dy adhurojmë gatimin dhe po planifikojmë një darkë romantike në shtëpinë time për ditën e Shën Valentinit. Por ai nuk e di që unë e kam shndërruar dhomën e ngrënies në një strehë romantike të zbukuruar në këtë mënyrë”.
Prekja magjike e Kupidit për Shën Valentinin tonë të parë në shtëpi
Lanassir Lawes, 42 vjeç, është një dizajnere dhe jeton në Norfolk me partnerin e saj Andrew, 44 vjeç, një drejtor financash. Ajo shprehet: “Disa ditë pasi përfundimisht vendosëm që ta ngjisnim pemën e Krishtlindjeve në papafingo, pata një thirrje të brendshme të parezistueshme për ta zbritur përsëri njërën atë. Tani është në dhomën e ngrënies që e kam shtruar me letra me ngjyra të ëmbla, me zemrave, xhingla të kuqe të zemrës dhe zarfe mjaft të vegjël që kam zbuluar në internet - secila ka fjalë dashurie”.
Kemi shpenzuar 2000 euro për ta mbajtur gjallë romancën
Samantha Fitzsimmon, 29 vjeç, ka një sallon bukurie dhe jeton afër Liverpool me partnerin dhe djalin e tyre dy vjeçar, Parker. Ajo shprehet: “Ciftet e tjera mund të kalojnë një fundjavë romantike diku larg për Shën Valentinin, por me një foshnjë dhe pa përkrahjen e gjyshërve, nuk mundemi. Në vend të kësaj, unë shkriva gjithë talentin tim dhe 2000 euro për të pasur një pemë të dekoruar profesionalisht të Shën Valentinit”.
Muri im i luleve me 3000 trëndafila
Hanna Kinsella, 31 vjeç, është dentiste dhe jeton në Cheshire me burrin e saj Martin, 38 vjeç, një mjek kozmetik. Ajo shprehet: “Cila është mënyrë më e mirë për të festuar ditën e parë të Shën Valentinit tonë si një çift i martuar, sesa kjo një pemë në dhomën tonë të ndenjies?
Është një bredh i zbukuruar me zemra kristali, lule të freskëta dhe eukalipt. Gjithashtu kemi bërë edhe një mur lulesh spektakolar të përbërë nga 3000 trëndafila të kuq mëndafshi”.
Po e mbajmë pemën gjatë gjithë vitit
Heather James, 42 vjeç, është një mësuese shkolle dhe jeton në Derbyshire me burrin e saj Markun, 43 vjeç dhe dy djem të moshës 8 dhe 12. Ajo thotë: “Pas një viti të vështirë në të cilin Marku doli në asistencë dhe dy anëtarë të familjes u sëmurën, unë vendosa ta mbajmë pemën tonë të Krishtlindjes për të gjithë vitin 2020, dhe ta rizbukuroja për sezonet e ndryshme”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.