Peloponezi, një vend që duhet vizituar patjetër në Greqi

Me siguri keni dëgjuar për Gadishullin e Peloponezit, i cili ndodhet në pjesën jugore të Greqisë dhe që është zemra e kulturës antike helene. Një vend mitik i cili njihet për heronjtë e shumtë, Peloponezi veçohet edhe për cilësitë epike të përshtatshme për dafinat dhe poezitë lirike. Me një përzierje të begatë të rrënojave klasike, peizazheve të egra dhe disa thesareve më të mira të kulinarisë që vendi ka për të ofruar, është një alternativë shumë e mirë për tu vizituar këtë verë.

I veçuar nga Greqia kontinentale nga kanali i Korintit, Peloponezi për shekuj me radhë ka qenë një udhëkryq i Mesdheut Lindor. Peizazhi i tij është i mbushur me mbetjet e qytetërimeve të lashta. Tempujt për perënditë greke ende qëndrojnë në të, ashtu si edhe pallatet e ndërtuara nga perandoritë e fuqishme Spartane dhe Mikene, si dhe kështjellat që dëshmojnë për valët e pushtuesve, të cilët gjatë shekujve kanë ngritur pretendimin e tyre në gadishull.

Tërmetet e kohëve të fundit fatmirësisht nuk e kanë dëmtuar këtë vend. Peloponezi gjithashtu është kursyer kryesisht nga dëmtimet gjatë kohës së fluksit së turistëve, ndryshe nga Mikonos apo Santorini. Rajoni i bukur Arcadia, i mbuluar me selvi, plepa dhe pemët e ullirit, përmban gjurmë të shkretëtirës së virgjër. Kaloni disa ditë duke ecur në Grykën e Lousios për të parë manastiret e veçanta disa prej të cilave datojnë nga Mesjeta. Historia ka një zotërim të fuqishëm në Peloponez, por një pjesë e apelit të rajonit është mënyra se si e kaluara shkrihet me të tashmen. Gjithashtu në këtë gadishull mund të vizitoni pikat e lashta, Nemea, është vendi ku Herkuli kreu trimërinë e tij të parë duke vrarë luanin që po terrorizonte qytetin.

Epidaurus është teatri madhështor i shekullit të katërt, i cili nuk është thjesht një rikthim në kohët e Eskilit dhe Euripidit, por edhe një mundësi për të shijuar një festival vjetor arti që mbahet nga maji në tetor, gjatë të cilit ka mijëra shfaqje të veçanta. I rrethuar nga kodra dhe i fshehur nga pyjet, vendi i lashtë u gërmua pak më shumë se një shekull më parë.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.