Gazeta Si – Një e majtë e bukur e Lorenco Pelegrinit kaloi Italinë në avantazh në miqësoren e Ekuadorin. Në minutën e 94-t dyfishoi Barela. ‘Axurrët’ luajtën një pjesë të parë të mirë, por ranë në të dytën.
Në ‘Red Bull Arena’ të Nju Jorkut Italia mundi 2-0 Ekuadorin, duke marrë kështu fitoren e dytë në SHBA, pas suksesit të pak ditëve më parë ndaj Venezuelës. Dy ndeshje pozitive për skuadrën e trajnerit Luçiano Spaleti në prag të Europianit të Gjermanisë.
Italia e zhbllokoi ndeshjen me Ekuadorin vetëm pas 3 minutash, kur Pelegrini gjuajti saktë nga jashtë zonës. Xaniolo më pas kishte në këmbë topin për golin e dytë, por u bllokua nga një mbrojtës kundërshtar. Në pjesën e dytë loja e Italisë ra dhe Ekuadori iu afrua barazimit me Platan, por debutuesi Vikario u tregua i vëmendshëm.
Në shtesë Barela, me shiritin e kapitenit në krah, realizoi edhe golin e dytë. Kundërshtarët e parë të Shqipërisë në Europian kthehen nga turneu amerikan me dy fitore që ngrenë moralin në kampin ‘axurr’.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.