Pas protestave të vazhdueshme të studentëve, sot është mbledhur personeli akademik i Fakultetit të Shkencave të Natyrës, konkretisht pedagogët, të cilët krahas mbështetjes së treguar për studentët i janë drejtuar më një thirrje edhe dekanatit.
Ata i kërkojnë dekanatit të mos pezullojë studentët, ndërsa kanë listuar edhe disa kërkesa të tjera. Ky personel shprehet i vendosur, duke shtuar se duhet të anulohen urgjentisht VKM-të e fundit, përfshirë dhe ligjin e arsimit të latë, pasi sipas tyre, kjo cenon autonominë universitare.
“Mbështesim studentët. Dekanati mos të penalizojë studentët. Solidarizimin me pedagogët e tjerë. Të anulohen VKM-të e fundit. VKM e fundit cenojnë autonominë universitare. Të hartohet një ligj i ri për arsimin e lartë”, thuhet në kërkesat e tyre.
Kërkesat:
1.Mbështetjen për studentët dhe kërkesat e tyre;
2.Kërkesën për Dekanatin e FSHN-së që të mos penalizojë studentët protestues për shkak mungesash;
3.Solidarizimin me deklaratat e Asambleve të Pedagogëve të fakulteteve të tjerë, duke kërkuar anulimin e VKM-ve të fundit, të cilat cenojnë autonominë universitare;
4.Hartimin e një ligji të ri për arsimin e lartë, më demokratik dhe gjithëpërfshirës;
5.Kundërshtinë ndaj fushatës denigruese të ndërmarrë nga kryemistri Rama për figurën e pedagogut.
Shumësia e stafeve pedagogjike të fakulteteve po shpreh hapur mbështetjen ndaj bojkotit studentor, duke iu bashkuar atij në disa raste, dhe kupton se anulimi i ligjit është pikënisja e një reforme të thellë dhe demokratike në arsim për rritjen substanciale të cilësisë së jetës universitare.
Rezistenca vazhdon!
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.