Partia Demokratike thotë se Edi Rama nuk është tërhequr nga qeverisja bashkë me krimin, që sipas opozitës, në pamundësi për të zgjedhur kriminelë si përfaqësues në Kuvend dhe në pushtetin vendor, po i shpërblen me tendera dhe leje ndërtimi në këmbim të mbledhjes së votave.
“A u tërhoq Rama? Jo! U ka dhënë tendera, licenca, leje ndërtimi në këmbim të votave. Plani i tij urbanistik me kulla për Tiranën është manuali i lavatriçes së parave të Ndrangheta-s. Ai plan është ftesë për riciklimin e parasë së mafias”, deklaron ish-deputeti i PD, Oerd Bylykbashi.
Bylykbashi deklaron se gjatë hartimit të ligjit të dekriminalizimit ka pasur përpjekje nga ana e socialistëve për ta bërë atë të paefektshëm, por presioni i SHBA dhe BE i detyroi që në fund të votojnë variantin që është në fuqi.
Ish-deputeti demokrat thotë gjithashtu se cilësimi i dekriminalizimit si antikushtetues nga ana e Kryeministrit Edi Rama mbërrin pas kërkesës së ambasadorëve për të mos kandiduar kriminelë e të korruptuar më 25 prill.
“Ua tregoi vendin ambasadoreve si levend qe eshte, por pergjigjen ia dha deklarata e Ambasadores se SHBA”, thotë ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
