.png)
Partia Demokratike dhe LSI ankimuan në Kolegjin Zgjedhor vendimin e KQZ për mospranimin e anëtarëve të KZAZ-ve.
Komisioni Qendror i Zgjedhjeve rrëzoi me katër vota pro dhe një kundër kërkesën e PD dhe LSI për tu përfaqësuar me komisionerë në zgjedhjet vendore.
Mazhoranca në KQZ argumentoi se opozita e bashkuar nuk është subjekt zgjedhor apo parti parlamentare ndaj dhe nuk mund të ketë anëtarë në KZAZ.
PD dhe LSI depozituan të shtunën (18 maj) pranë KQZ emrat e anëtarëve për 90 komisionet zonale të administrimit zgjedhor.
Lista u dorëzua nga Sekretari për Çështjet Zgjedhore Ivi Kaso, i cili u paraqit në KQZ bashkë me përfaqësuesin e LSI-së. PD dhe LSI, edhe pse nuk do të garojnë në zgjedhje kërkuan të shfrytëzojnë të drejtën ligjore për të pasur anëtarët e tyre në komisione.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
