Pasioni për kafe ose çaj është i shkruar në ADN: edhe pse njeriu është i programuar ta lidhë shijen e hidhur, me rrezik të madh, disa gjene na bëjnë pak a shumë të ndjeshëm me këtë aromë dhe modifikojnë preferencat tona për kafe, çaj dhe alkool. Kjo doli nga studimi i udhëhequr nga Instituti Australian, “QIMR Berghofer” dhe i botuar në revistën shkencore “Reports”.
Studiuesit, të udhëhequr nga Jue Sheng Ong dhe Liang-Dar Hwang, analizuan më shumë se 400.000 gjenome të ruajtura në një nga bankat më të mëdha të gjeneve në botë, britanikja “Biobak”, në kërkim të varianteve të ADN-së lidhur me perceptimin e tre substancave të ndryshme të hidhura: propylthiouracil ose Prop, përdoret edhe si ilaç antitroid, kininë, e cila ka veti anti-malarje, ul temperaturën, është analgjezik dhe ka kafeinë. Gjithçka për të vlerësuar efektet e perceptimit të ndryshëm të hidhur në konsumin e kafesë, çajit dhe alkoolit.
Studiuesit zbuluan se një ndjeshmëri më të lartë të kafeinës së hidhur, për shkak të pranisë së gjeneve të veçanta, është e lidhur me rritjen e konsumit të kafesë dhe një mundësie më të madhe për të qenë dashamirës të kësaj pije.
Nga ana tjetër, ndjeshmëria më e lartë për Prop dhe kininë çon në konsumimin e më shumë çaji dhe më pak kafeje.
Sa i përket alkoolit, hulumtimi ka sqaruar se rritja e perceptimit të propionit, lidhet me konsumin më të ulët, ndërsa dy substancat e tjera duket se nuk kanë ndonjë ndikim të veçantë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.