.png)
Këtë të mërkurë (6 shtator) është rikthyer përsëri rënia e monedhës euro kundrejt lekut. Sipas Bankës së Shqipërisë, sot një euro këmbehet me 107.9 lekë nga rreth 110 që ishte më parë.
Euro, shoqëruar edhe nga monedhat e tjera të huaja, patën një javë korrigjimi dhe po rifitonin pike ndaj lekut, por kjo nuk zgjati. Leku vazhdon të jetë dominant mbi valutat në kursin e këmbimit.
Në korrik, euro preku kufirin e 1=100 lekëve, por gushti, që ka edhe më shumë fluks turistësh, e përmirësoi. Turizmi përmendet si faktor kryesor i zhvlerësimit të monedhës europiane, por rritjet e shpeshta të euros brenda pak ditëve e vënë në dyshim këtë argument.
Ekspertë të fushës kanë folur për spekulim të qëllimshëm të kursit të këmbimit dhe për masë të parasë informale.
Për ekspertët e BSH-së, ky është kursi i ri i këmbimit dhe nuk ka gjasa që të rikthehet në nivelet e mëparshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
