Elon Musk është rikthyer përsëri në pozicionin e tij si personi më i pasur në botë, sipas shifrave të përditësuara të indeksit të miliarderëve nga Bloomberg.
CEO i Tesla shijoi një rritje të pasurisë së tij prej 40.3% këtë vit, në 192 miliardë dollarë, pasi aksionet e prodhuesit të makinave elektrike u rritën rreth 24% në maj, sipas të dhënave të Eikon. Musk zotëron rreth 13% të Tesla-s.
Musk u rrëzua nga vendi i parë nga CEO i LVMH Bernard Arnault në dhjetor, pasi aksionet e Tesla ranë kur ai bleu Twitter me 44 mld dollarë. Pjesa më e madhe e pasurisë së Musk është e lidhur me aksionet e Teslës.
Ai është gjithashtu drejtor i prodhuesit të raketave SpaceX dhe zotëron kompaninë e mediave sociale Tëitter.
Musk u largua nga Shangai të enjten, pas një vizite dy-ditore të profilit të lartë. Ndërsa ishte në Kinë, ai u takua me ministrin e Jashtëm Qin Gang dhe zyrtarë të tjerë kinezë. Vizita, e cila vjen mes tensioneve të ndezura SHBA-Kinë, ishte një shenjë se Kina është një treg i rëndësishëm për Tesla-n, thonë analistët.
Gjatë vizitës, Qin u përpoq të siguronte Musk se Kina është e hapur ndaj bizneseve të huaja dhe do të vazhdojë t’u ofrojë atyre një mjedis miqësor biznesi. Musk thuhet gjithashtu se sinjalizoi zgjerim të mëtejshëm në Kinë.
Aksionet e Tesla u mbyllën 1.38% më lartë të mërkurën në 203.93 dollarë.
Aksionet e Tesla-s arritën nivelin më të ulët dy-vjeçar në nëntor, kur çmimi i aksionit të saj ra në 167.87 dollarë, më i ulëti që nga nëntori 2020. Kjo ishte pjesërisht për shkak të një vrull shitjesh që u përshpejtua pas marrjes së Twitter nga Musk.
Arnault i LVMH tani është pas Musk si njeriu i dytë më i pasur në botë me 187 miliardë dollarë, i ndjekur nga Jeff Bezos, themeluesi miliarder i Amazon, sipas të dhënave të Bloomberg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.