.png)
Edhe pse masat izoluese në Mikonos, qeveria greke po mendon të vendosë kufizime të ashpra në katër ishujt më turistikë të vendit. Pamja epidemiologjike e paraqitur nga shumë pjesë të vendit, dhe veçanërisht ishujt po shqetëson shumë qeverinë dhe ekspertët.
Rritja rasteve në Mikonos dhe vendosja e një bllokimi në ishull po cilësohet si një "model" që mund të ndiqet edhe për destinacionet e tjera turistike. Deri më tani qeveria e Qiriako Mistotaqis thotë është se nuk do të ketë bllokim universal por se "modeli i Mikonos" mund të zbatohet në ishuj të tjerë.
Paros, Santorini, Ios dhe Kreta pritet të jenë së shpejti zona "të kuqe" për shkak të një rritje të shpejtë të rasteve të koronavirusit.
Me mbarimin e dhomave të përcaktuara për karantinimin e turistëve në shumë ishuj, frika më e madhe e vendit fqinj është se sistemi shëndetësor do të vihet nën presion.
Kjo është arsyeja pse ora policore po konsiderohet të vendoset në ishujt më turistikë, siç ndodhi në Mikonos, ku muzika është e ndaluar 24 orë në ditë kudo dhe lëvizja është e ndaluar nga ora 01:00 në 06:00.
Siç tha presidentja e Komitetit Shëndetësor, Matina Pagoni, ishuj të tjerë do të ndjekin shumë shpejt modelin e Mikonos.
"Le të themi që një përqindje e madhe e popullsisë është vaksinuar. Por kjo nuk ka rëndësi në kushtet kur të gjithë festonin në festa në vila, me 1000 - 2000 njerëz që mblidheshin cdo ditë. Aty filloi kauza ”, tha zonja Pagoni për Mikonos.
Një nga masat që qeveria po konsideron përveç imponimit të bllokimeve lokale është që në Mikonos, Santorini, Ios, Paros, Rethymno dhe Heraklion, punëtorët e pavaksinuar në restorante dhe ndërmarrjet e turizmit duhet të testohen dy herë në javë.
Po shqyrtohet edhe skenari i transferimit të punëtorëve të pavaksinuar në poste të tjera në të njëjtën kompani, në mënyrë që ata të mos kenë kontakte me klientët. Ajo paralajmëron se në zonat ku incidenca është rritur në mënyrë alarmante ditët e fundit, do të vendosen masa kufizuese, të cilat mund të variojnë nga grilat e ulura në restorant nga mesnata në shtetrrethim.
Masat në shqyrtim janë:
- Ndalimi i funksionimit të hotelierisë nga 00:00 - 07:00
- Pezullimi i festave
- Ndalimi i tubimeve
- Ndalimi i muzikës 24 orë
- Ndalimi i qarkullimit gjatë natës
Shifrat e 24 orëve të fundit në Paros , Alonissos dhe Mikonos treguan probleme serioze, pasi turistët që ishin infektuar me koronavirus (ose ranë në kontakt të ngushtë me të infektuarit) gjatë pushimeve u përballën me sfida të mëdha sepse nuk kishte strehim të përshtatshëm për t’u karantinuar, sepse hotelet e përcaktuara për izolimin e të infektuarve janë tej mbushur.
Dhomat në hotelet e karantinës për ishuj më të mëdhenj nuk janë të mjaftueshme, si në rastin e Mikonos dhe Paros.
Nën peshën e këtyre incidenteve, po konsiderohen masa të reja për të siguruar që ata që testojnë pozitivë gjatë pushimeve në ishull të mund të izolohen në hotele karantine pa rrezikuar të infektojnë apo banorë apo pushues të tjerë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
