.png)
Mes Dritan Lelit dhe shumicës së Këshillit Bashkiak të Vlorës ka një përplasje të hapur që ka pikënisje qejfmbetjen e kryeministrit Edi Rama ndaj tij pas refuzimit të Lelit për të qenë deputet i listës së PS-së Vlore dhe jo më kryetar bashkie.
Pas debatit të dy ditëve më parë për një mbledhje jashtë radhe të Këshillit Bashkiak, që Leli e refuzoi me argumentin e masave masave antiCovid, radha i ka ardhur drejtuesit politik të Vlorës për zgjedhjet e 25 Prillit, Damian Gjiknuri, i cili kishte në terren përplasjen më të fortë me Dritan Lelin.
“Elementi bazë për shumë turistët dhe në Sazan ka qenë se si të jetë ambienti i pastër, kështu që secili nga ne duhet të japë kontributin e tij dhe kjo e mirëpritur dhe pres që institucionet lokale të bëjnë më shumë në këtë drejtim, sepse duhet menduar për një plan menaxhimi në këtë pikëpamje, sepse ishulli është pjesë e Bashkisë së Vlorës dhe e lidhjes së turizmit të Bashkisë prandaj meritohet më shumë vëmendje”, tha Gjiknuri.
I pyetur gjatë një inspektimi se përse Leli nuk ishte i pranishëm në atë takim, Gjiknuri tha se krah tij ndodhet zv. kryetarja e Bashkisë, po aq e rëndësishme sa Leli.
“Kemi një zonjë të nderuar, zv. kryetaren po aq e rëndësishme dhe shumë institucione që duhet të bëjnë detyrën dhe po e kryejnë në maksimumin e tyre përditë”.
Përplasja me Lelit dhe Ramës nuk u reflektua në zgjedhjet e 25 Prillit, pasi PS mori në atë qark 8 mandate aq sa ishte edhe objektivi. Kjo është një arsye më shume që debati mes tyre të mbetet i hapur dhe pa zgjidhje
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
