.png)
Gazeta Si – Xhuliano Skuka do të luajë përsëri me fanellën e Partizanit. Sulmuesi që u shit nga të kuqtë te Metz në Francë është rikthyer në Superiore të paktën për disa muaj.
“Partizani me kënaqësi zyrtarizon rikthimin e Xhuliano Skukës. Klubi dhe Metz kanë arritur marrëveshjen mes tyre për huazimin e sulmuesit 25-vjeçar te kampionët. Skuka do të jetë pjesë e të kuqve deri në përfundim të sezonit 2023-2024, duke konfirmuar se Partizani mbetet zgjedhja e parë në Shqipëri”, - shkruan klubi i kuq në njoftimin e rikthimit të sulmuesit.
Skuka pritet të ndihmojë Partizanin me gola për të ruajtur titullin kampion. Në fund të sezonit ai do të rikthehet te Metz, klubi që ka kartonin e tij. Përveç Partizanit, sulmuesi dibran ka luajtur edhe me Korabin dhe Dinamon në futbollin shqiptar.
Së fundi Skuka luajti po në formë huazimi te Maribori në Slloveni, ndërsa tani rivesh fanellën e kuqe.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
