.png)
Gazeta Si – Orges Shehi ka debutuar me një barazim në stolin e Partizanit. Kampionët në fuqi luajtën sot miqësoren e parë në Turqi, ku po zhvillojnë minifazën përgatitore të dimrit. Testi ndaj holandezëve të Volendam u mbyll me rezultatin 1-1 dhe për të kuqtë shënoi Birçaj në minutën e 68-të.
Ishte një ndeshje testuese, që e ndihmon trajnerin Shehi për të njohur më mirë skuadrën dhe gjendjen e çdo lojtari që ka aktualisht në grup. Partizani do të luajë edhe një miqësore tjetër në Antalia, ku kundërshtar është skuadra azere e Neftçi Baku.
Me trajnerin Orges Shehi pritet një Partizan ndryshe në gjysmën e dytë të kampionatit. Kampionët e Shqipërisë synojnë të mbrojnë titullin, por janë 5 pikë prapa Egnatias, një diferencë e konsiderueshme. Deri në rifillimin e kampionatit pritet që klubi kryeqytetas të bëjë ndonjë afrim cilësor, për të cilin skuadra ka nevojë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
