.png)
Gazeta Si – Partizani ka fituar 3-1 miqësoren e dytë në Antalia të Turqisë, ku po zhvillon minifazën përgatitore dimërore. Kampionët e Shqipërisë triumfuan me përmbysje përballë rumunëve të Kluzh.
Pjesa e parë u mbyll me rezultatin 0-1 në favor të rumunëve, në pjesën e dytë skuadra e trajnerit Orges Shehi gjeti tri herë rrugën e rrjetës. Cara barazoi me penallti, më pas realizuan edhe Maget dhe Sembene, duke ‘vulosur’ fitoren e kuqe.
Një sinjal i mirë ky për Shehin përpara rifillimit të kampionatit. Në Turqi Partizani luajti pak ditë më parë edhe një miqësore tjetër, ku barazoi 1-1 ndaj holandezëve të Volendam.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
