Gazeta Si – Klubi i Partizanit ka zyrtarizuar sot një përforcim në mbrojtje. Skuadrës së trajnerit Orges Shehi i bashkohet kroati Bozho Mikuliç, i cili ka luajtur edhe në Itali me Mesinën, përveçse në vendin e tij me Hajduk Split.
“Klubi zyrtarizon arritjen e marrëveshjes me Bozho Mikuliç. Mbrojtësi kroat 27-vjeçar ka nënshkruar një kontratë për 1 vit e gjysmë me opsion rinovimi edhe për një tjetër sezon me kampionët. Mikuliç përgjatë karrierës së tij ka qenë pjesë e Hajduk Splitit, Slaven Belupos dhe Mesinës në Itali”, - shkruan Partizani në njoftimin zyrtar.
Kjo duhet të jetë edhe lëvizja e fundit e merkatos për kampionët në fuqi. Partizani aktualisht mban vendin e dytë në Superiore, por ky fakt nuk është shumë shqetësues, po të kemi parasysh skemën me ‘Final 4’ të kampionatit, ku në fund gjithçka zerohet. Mjafton që të kuqtë të jenë në 4-shen e parë në mbyllje të 36 javëve kampionat.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.