Gazeta Si - Të martën në mëngjes, sipas raportimeve të mediave franceze, policia qëlloi një grua në stacionin Biblithèque François-Mitterrand të metrosë së Parisit.
Gruaja ishte tërësisht e mbuluar, shkruajnë gazetat “Le Figaro” dhe “Le Parisien”, e cila dyshohet se ka bërtitur "Allah Akbar", duke kërcënuar se do të "shpërthejë veten".
Policia hapi zjarr dhe gruaja u godit në bark. Aktualisht ajo ndodhet në spital, në gjendje stabile, por në rrezik për jetën.
Opération de police à la BNF : des détonations ont été entendues dans le quartier.
— Clément Lanot (@ClementLanot) October 31, 2023
La police a ouvert le feu à plusieurs reprises en direction de la personne menaçante qui a été blessée à l’abdomen et évacuée par les pompiers. @CLPRESSFR pic.twitter.com/faOQJTNYi2
Stacioni i metrosë u evakuua dhe u mbyll për publikun nga rreth orës 8:30 deri në orën 11:00.
Policia e Parisit ishte vënë në alarm se në stacion e Val de Marne, gruaja kishte kërcënuar me vdekje në tren, duke synuar pasagjerët e tjerë.
Pasi u izolua, raportoi zyra e prokurorit, gruaja "refuzoi t'i bindej urdhrave të policisë, duke kërcënuar se do të hidhej në erë".
Një nga oficerët më pas “ka përdorur armën e tij të zjarrit vetëm një herë”. E plagosur gruaja është transportuar në spital ku ndodhet e shtruar me një plagë në bark.
Nga hetimet e para, ajo nuk kishte me vete asnjë lëndë plasëse. Janë hapur dy hetime, një që i është besuar policisë për pistën e terrorizmit dhe kërcënimit me vdekje ndaj një zyrtari publik.
Ndërsa tjetri për përdorim të armës së zjarrit, i është besuar inspektorëve të mbikëqyrjes së brendshme të policisë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.