Edicioni 2020/21 i UEFA Youth League nuk do të zhvillohet për shkak të kufizimeve të reja të vendosura nga pandemia e Covid-19. Kjo u njoftua nga UEFA, që zyrtarizoi kështu vendimin për anulimin e kompeticionit për këtë vit. Turneu europian dedikuar talenteve të akademive të klubeve më të rëndësishme në kontinent duhej të fillonte në fundjavën e parë të marsit, por situata i detyroi organizatorët të bënin një hap prapa për të mbrojtur shëndetin e lojtarëve.
The 2020/21 UEFA Youth League season has been cancelled #UYL https://t.co/vr0okLhvwZ
— UEFA Youth League (@UEFAYouthLeague) February 17, 2021
“Komiteti Ekzekutiv i UEFA-s ka vendosur të anulojë edicionin 2020/21 të UEFA Youth League për shkak të pandemisë Covid-19 dhe efekteve të saj në zhvillimin e kompeticionit”, thuhet në njoftimin për shtyp të UEFA. Për të kufizuar rreziqet, në një moment të parë u bë një ndryshim në rregullore, duke kapërcyer fazën e grupeve dhe duke filluar menjëherë me fazat me eliminim, në ndeshje unike. Masat e reja të vendosura kohët e fundit nga autoritetet shëndetësore dhe afatet shumë të ngushta, megjithatë, kanë ndërlikuar programet e UEFA-s, duke hedhur në erë gjithçka.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
