Nga Gazeta 'SI' - Paga mesatare bruto në Shqipëri arriti vlerën e 66 mijë lekëve, me rritje vjetore pothuajse 11%.
Rritja më e madhe të pagës nga e njëjta periudhë e 2021-shit në 2022-shin, ka rezultuar në fushën e bujqësisë, pyjeve dhe peshkimit me 18.2%. Rritjen më të vogël e ka grup-aktiviteti i administratës publike dhe mbrojtjes; sigurimi social i detyrueshëm; arsimi; shëndetësia dhe aktivitete të punës sociale prej 6.2 %.
Gjithsesi, sektori me pagën më të lartë mesatare vazhdon të jetë ai financiar. Në tremujorin e fundit 2022, paga mesatare në këtë sektor arriti në 142 mijë lekë, me një rritje prej 16.4% krahasuar me një vit më parë.
Pas tij, është sektori i informacionit dhe komunikimit, me pagë 103.5 mijë lekë, me rritje 14% në raport vjetor.
Në fund, sektorët me pagën më të ulët mesatare janë bujqësia, me 42.4 mijë lekë në muaj dhe ndërtimi, me 51 mijë lekë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.