.png)
Shoferi i autoambulancës, që u aksidentua një ditë më parë në autostradën Tiranë-Durrës, ku humbi jetën një paciente me COVID, është arrestuar nga policia.
51-vjeçari me iniciale I.D, banues në Sarandë, duke transportuar me autoambulancë nga Saranda në drejtim të Tiranës, një paciente në gjendje të rëndë shëndetësore, ka dalë nga rruga në autostradën Durrës-Tiranë.
51-vjeçari u përplas me murin rrethues të një subjekti dhe për pasojë ndërroi jetë pacientja 71-vjeçare Arziko Shehu.
Mësohet se shkak i aksidentit është bërë shpejtësia dhe rruga me ngricë dhe borë.
Ngjarja e rëndë ndodhi një ditë më parë ku e moshuara në gjendje të rëndë për shkak të COVID, ndërroi jetë pasi autoambulanca u përmbys.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
