Deputetët e opozitës në Komisionin e Sigurisë, kanë firmosur një shkresë zyrtare ku kërkojnë seancë dëgjimore me kreun e SPAK, Altin Dumani.
Kërkesa lidhet me një raportim të pak ditëve më parë të kreut të SPAK para KLP-së që lidhet me një kategori çështjesh që SPAK nuk mund t’i hetonte me Policinë e Shtetit veçanërisht ato ku përfshiheshin punonjësit e Policisë së Shtetit. “Hetimet tona kanë treguar që eksponentë të Policisë së Shtetit, madje me funksione te larta, kanë bashkëpunuar me krimin e organizuar, referuar edhe cështjeve që kemi hetuar dhe atyre që kemi në hetim e sipër”, citohet në shkresë referuar fjalës së Dumanit.
Për këtë arsye, deputetët e opozitës kërkojnë më tepër sqarime rreth asaj që ata e cilësojnë shqetësim të madh ‘lidhur me kapjen e policisë së shtetit nga krimi i organizuar”
Ajo që bie në sy është fakti se në emrat që kanë firmosur është edhe ajo e Kryemadhit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.