.png)
Policia e Shtetit jep detaje nga operacioni i përbashkët me policinë italiane, ku u goditën dy banda kriminale të trafikut ndërkombëtar të kokainës.
Policia shqiptare thekson se nga operacioni janë arrestuar 33 persona në Itali dhe 1 në Shqipëri.
I arrestuari në Shqipëri është 28-vjeçari nga Fieri, me inicialet R. S., i cili do të ekstradohet drejt Italisë për t’u përballur me drejtësinë fqinje.
Operacioni “MIRACOLO II” është në vijim të operacionit ” MIRACOLO I”, që ka nisur në vitin 2018, me arrestimin e shtetasit italian Santo Tucci, i cili u kap me 27 kg hashash, 1.7 kg kokainë dhe 2 pistoleta.
Policia thotë se në kuadër të këtyre dy operacioneve janë sekuestruar 4 kg kokainë, 35 kg hashash, 52 kg marijuanë, 260 mije euro, 2 pistoleta me silenciator dhe fishekë.
Deri tani, gjatë këtij operacioni në Itali janë arrestuar 33 persona.
Nga Policia e Shtetit u angazhuan forcat speciale RENEA, Fast Albania, Interpol Tirana, Drejtoritë Vendore të Policisë Fier, Tiranë dhe Elbasan.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
