Anija “Oriku” dhe ekuipazhi i saj, pjesë e operacionit të NATO-s, në katër operacione të ndryshme kanë shpëtuar 110 emigrantë gjatë patrullimit në detin Egje.
Lajmin e bën me dije ministrja e Mbrojtjes, Olta Xhaçka, me anë të një postimi në rrjetet sociale. Xhaçka thekson se kontributi i detarëve tanë në 3 vite si pjesë e misionit të NATO-s është shumë më i madh se kaq.
“Anija Oriku dhe ekuipazhi i saj shpëtuan 110 emigrantë, në 4 operacione të ndryshme brenda dy ditëve, gjatë patrullimit në detin Egje. Kontributi i detarëve tanë në 3 vite si pjesë e misionit të NATO-s ‘Sea Guardian’ është shumë më i madh se kaq.
Anijet dhe efektivët tanë kanë kryer mijëra orë patrullime, për të shpëtuar rreth 3000 fëmijë, gra e burra”, shkruan Xhaçka në “Facebook”.
Në fillim të shtatorit, Anija “Oriku” dhe ekuipazhi i saj shpëtoi 140 emigrantë nga Siria dhe Afganistani.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.