.png)
Edhe pse kodi i veshjes nuk ishte i gjithi në xhins, notat ritmike dhe argëtuese të “Opera në Jeans” kanë tërhequr dje me qindra banorë dhe turistë në sheshin e Marinës, për të dëgjuar tingujt e orkeststrës, bandën pop, por edhe solistë si sopranoja Vikena Kamenica, tenori Tenori Armaldo Kllogjeri, violinisti Nikola Kondakçi, violinistja Albana Leka, trompisti Xhino Daja sopranoja Renisa Lacka.
Shfaqja e Teatrit të Operasi nuk u ndoq vetëm nga qytetarë apo kalimtarë të rastit, por edhe nga diplomatë të huaj dhe vetë kryeministri, Edi Rama, bashkëshortja Linda Rama dhe djali i vogël, Zaho. Ky aktivitet që ka çelur edhe sezonin turistik të trupës së TKOB-it, është cilësuar nga kryeminstri si një nga 500 aktivitetet argëtuese, që do të prezantohen në këtë sezon turistik.
Shfaqja është shoqëruar edhe nga fishekzjarrë që e kanë bërë edhe më elektrizuese mbrëmjen.“Opera në Jeans” është pjesë e aktiviteteve të TKOB në të gjithë vendin, në kuadër të sezonit turistik 2018.
Kjo shfaqje me miksime të muzikës operistike, këngës dhe orkestraleve bashkëkohore.ishte e para e serisë së Operas në Ajër të Hapur, siç është njoftuar nga TKOB.
Edhe në godinën e Teatrit Kombëtar të Operas dhe Baletit kanë nisur prej disa kohësh punimet për restaurimin e saj, ndërsa sezoni i ri do të nisë në skenën alternative “ArTurbina”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
