.png)
Komisioneri i Lartë i OKB-së për të Drejtat e Njeriut, Volker Turk, i ka shprehur shqetësimet e tij qeverisë britanike për projektligjin e emigracionit. Për qeverinë e kryeministrit Rishi Sunak, është prioritet ndalimi i mbërritjes së emigrantëve të paligjshëm përtej Kanalit.
Për këtë qëllim, në prill u miratua një projektligj i rreptë që parashikon arrestimin e menjëhershëm të emigrantëve që mbërrijnë në Britani ilegalisht me varka dhe deportimin e tyre ose në vendet e tyre të origjinës ose në të ashtuquajturat vende të treta të sigurta si Ruanda.
“Ne jemi të shqetësuar për sa i përket ligjit ndërkombëtar të emigracionit, sepse në thelb i ndalon njerëzit të kërkojnë azil në Britani”, vuri në dukje Turk në një intervistë.
Një zëdhënës i qeverisë britanike tha se po punojnë me Komisionin e Lartë në lidhje me Projektligjin e emigrimit të paligjshëm, ndërsa shtoi se ai është i bindur se masat e parashikuara në të, përfshirë deportimine emigrantëve në Ruandë, janë të ligjshme dhe sipas konventës së OKB-së për refugjatët.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
