Janë orë vendimtare sa i takon merkatos europiane në futboll dhe një ndër emrat më të lakuar mbetet ai i mbrojtësit të Kombëtares kuqezi, Marash Kumbulla. Një ofertë e papritur konkrete për të ka ardhur nga Roma, që sfidon kështu, Interin dhe Lacion.
Drejtuesit e Romës po hasin vështirësi në bisedimet me Mançester Junajtid për të kthyer në skuadër Kris Smolling dhe i kanë bërë një propozim të rëndësishëm Veronës për Kumbullën. Shtypi sportiv italian bën me dije se Roma e kërkon mbrojtësin 20-vjeçar në formë huazimi, me të drejtë blerjeje për 30 milionë euro, një shifër e konsiderueshme kjo në raport me ofertat e bëra nga Interi dhe Lacio.
Me sa duket, transferimi i Kumbullës në një klub të madh është vetëm çështje orësh. Verona po shfrytëzon situatën për të marrë ofertën më të mirë dhe kjo e Romës është vërtet joshëse. Igli Tare ka tentuar ta marrë Kumbullën, duke ofruar 20 milionë euro, plus një lojtar të Lacios. Priten të tjerash zhvillime gjatë ditës, ku vëmendja është e gjitha te merkatoja.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.