.png)
67 milion më pak turistë ndërkombëtarë deri në mars përkthehen në 80 miliardë dollarë amerikanë eksporte të humbura. Organizata Ndërkombëtare e Turizmit ka përshkruar tre skenarë të mundshëm për të ardhmen në varësi të mënyrës se si shpaloset kriza.
Pandemia e COVID-19 ka shkaktuar një rënie prej 22% në ardhjet e turistëve ndërkombëtarë gjatë tremujorit të parë të vitit 2020, tregojnë të dhënat e fundit nga Organizata Botërore e Turizmit.
Sipas agjencisë së specializuar të Kombeve të Bashkuara, kriza mund të çojë në një rënie vjetore midis 60% dhe 80% kur krahasohet me shifrat e vitit 2019. Kjo vë në rrezik miliona jete dhe kërcënon të rrisë progresin e bërë në avancimin e Qëllimeve të Zhvillimit të Qendrueshëm.
Sekretari i Përgjithshëm i Organizatës Ndërkombëtare të Turizmit, Zurab Pololikashvili është shprehur se: “Bota po përballet me një krizë të paparë shëndetësore dhe ekonomike. Turizmi është goditur shumë, me miliona punë në rrezik në një nga sektorët më intensivë të punës në ekonomi.”
Të dhënat e disponueshme të raportuara nga destinacionet e ndryshme turistike, tregojnë për një rënie prej 22% të prurjeve në tre muajt e parë të vitit, sipas Barometrit më të fundit të Turizmit Botëror të Organizatës. Prurjet në mars ranë ndjeshëm me 57% pas fillimit të bllokimit të shumë vendeve, si dhe prezantimin e gjerë të kufizimeve të udhëtimit dhe mbylljen e aeroporteve dhe kufijve kombëtarë. Kjo përkthehet në një humbje prej 67 milion prurjesh ndërkombëtare dhe rreth 80 miliardë dollarë në fatura (eksporte nga turizmi).
Edhe pse Azia dhe Paqësori tregojnë ndikimin më të lartë në terma relativ dhe absolut (-33 milion mbërritje), ndikimi në Europë, megjithëse në përqindje më të ulët, është në vëllim mjaft të lartë (-22 milion).
Skenarët e Turizmit Ndërkombëtar 2020
Perspektivat për vitin janë ulur disa herë qysh kur shpërthimi dhe pasiguria vazhdojnë të mbizotërojë. Skenarët aktual tregojnë për rënie të mundshme të mbërritjeve nga 58% në 78% për vitin. Këto varen nga shpejtësia e kontrollit dhe kohëzgjatja e kufizimeve të udhëtimit dhe mbyllja e kufijve. Skenarët e mëposhtëm për vitin 2020 bazohen në tre të dhëna të mundshme për hapjen graduale të kufijve ndërkombëtarë.
Skenari 1 (-58%) bazuar në hapjen graduale të kufijve ndërkombëtarë dhe lehtësimin e kufizimeve të udhëtimit në fillim të korrikut
Skenari 2 (-70%) bazuar në hapjen graduale të kufijve ndërkombëtarë dhe lehtësimin e kufizimeve të udhëtimit në fillim të shtatorit
Skenari 3 (-78%) bazuar në hapjen graduale të kufijve ndërkombëtarë dhe lehtësimin e kufizimeve të udhëtimit vetëm në fillim të dhjetorit.
Në këto skenarë, ndikimi i humbjes së kërkesës në udhëtimet ndërkombëtare mund të përkthehet në:
Humbje nga 850 milion në 1.1 miliardë turistë ndërkombëtarë
Humbje nga 910 miliardë dollarë amerikanë në 1.2 trilion dollarë amerikanë në të ardhura nga eksporti i turizmit
100 deri 120 milion vende pune të drejtpërdrejta të turizmit në rrezik
Kjo është deri tani kriza më e rëndë me të cilën është përballur turizmi ndërkombëtar që nga fillimi i regjistrave (1950). Ndikimi do të ndihet në shkallë të ndryshme në rajone të ndryshme globale.
Ekspertët shohin rimëkëmbjen në 2021
Kërkesa e brendshme pritet të rikuperohet më shpejt sesa kërkesa ndërkombëtare sipas sondazhit të Panelit të Ekspertëve të Organizatës Ndërkombetare të Turizmit. Shumica pret që të shihen shenja të rimëkëmbjes deri në tremujorin e fundit të vitit 2020, por kryesisht në vitin 2021. Bazuar në krizat e mëparshme, udhëtimi në kohën e lirë pritet të shërohet më shpejt, veçanërisht udhëtimi për të vizituar miqtë dhe të afërmit, sesa udhëtimet për biznes.
Vlerësimet në lidhje me rikuperimin e udhëtimeve ndërkombëtare janë më pozitive në Afrikë dhe Lindjen e Mesme për të cilat shumica e ekspertëve parashikojnë rimëkëmbje në vitin 2020. Ekspertët në Amerikë janë më pak optimistë dhe me më pak gjasa të besojnë në rimëkëmbjen në vitin 2020, ndërsa në Europë dhe Azi këndvështrimi është i përzier, me gjysmën e ekspertëve që presin të shohin rimëkëmbjen brenda këtij viti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
