Politike

Noka u shkarkua nga Basha, Ferdinand Xhaferaj emërohet zv-kryetar i komisionit të Sigurisë

Flamur Noka është zyrtarisht i shkarkuar nga detyra e nënkryetarit të Komisionit të Sigurisë nga Partia Demokratike. Në vend të tij, PD ka emëruar Ferdinand Xhaferajn.  

Kryetarja e Parlamentit Lindita Nikolla njoftoi të enjten në Kuvend votimin e Xhaferajt si zv/kryetar në Komisionin e Sigurisë.

Deputeti Flamur Noka u shkarkua këtë të hënë me propozim të kryetarit të PD-së, Lulzim Basha.

Ky i fundit njoftoi gjithashtu se masa ndaj Nokes ishte edhe një paralajmërim për këtë të fundit për ta përjashtuar edhe nga grupi parlamentar i PD-së.  

Arsyeja e këtij vendimi lidhet me një debat mes Nokës dhe Bashës në mbledhjen e do ditëve më parë të kryesisë së grupit parlamentar lidhur me konceptin e ”llumit”, ku Noka e akuzoi se me kete epitet kishte etiketuar elektoratin ndërsa Basha sqaroi se me llum ai kishte nënkuptuar një pjesë të ish-qeverisë Berisha.


Copyright © Gazeta “Si”


Më Shumë