Treg

Nju Jorku do të ndalojë veshjet e leshta

Duket se një lëvizje e re do të lulëzojë në Nju Jork sa i përket industrisë së modës. Ligjvënësit do të hartojnë një ligj që synon të ndalojë shitjen e të gjitha produkteve të reja të leshit në këtë vend. Anëtarët e industrisë së leshit kanë thënë se ndalime të tilla në Nju Jork do të ndikojnë në 1100 vende punë, ndërsa mbështetësit e këtij ligji thonë se prodhimi e rrobave të leshit është barbar dhe çnjerëzor. “Mizoria nuk duhet të ngatërrohet me zhvillimin ekonomik,” tha kongresmenja demokrate Linda Rosenthal. “Prodhimi i veshjeve prej leshi mbështetet në dhunën ndaj kafshëve të pafajshme, që nuk duhet të jetë biznesi i askujt”.

Tregtimi i leshit konsiderohet shumë i rëndësishëm për zhvillimin e Nju Jorkut. Në kulmin e biznesit të leshit në shekullin e fundit, Nju Jorku prodhoi 80% të veshjeve të leshta të bëra në SHBA, sipas FUR NYC, një grup që përfaqëson 130 shitës dhe prodhues në qytet. Grupi thotë se qyteti i Nju Jorkut mbetet tregu më i madh për produktet e leshit në vend; leshi është përdorur për kostume, xhaketa dhe sende të tjera. Nëse ky ligj do të miratohet, Nju Jorku do të bëhej qyteti i tretë më i madh amerikan me një ndalim të tillë, pas San Franciskos, ku një ndalim do të hyjë në fuqi këtë vit dhe Los Anxhelosit, ku një ndalim i miratuar këtë vit do të hyjë në fuqi në vitin 2021.

Në Sao Paulo, Brazil, ndalimi e leshit për importin dhe shitjen e tij nisi në vitin 2015. Bujqësia e leshit u ndalua në Mbretërinë e Bashkuar gati 20 vjet më parë. Liderët e industrisë së leshit paralajmërojnë se nëse kjo do të ndalohet edhe në Nju Jork, aktivistët e të drejtave të kafshëve do të kërkojnë edhe më shumë.

Nancy Daigneault, nënkryetare e Federatës Ndërkombëtare të Industrisë së Leshit, thotë se punonjësit të cilët janë 50-55 vjeç dhe që kanë punuar në një punë të tillë gjatë gjithë jetës së tyre, do të hidhen në rrugë dhe do të mbesin të papunë. Mbështetësit e ndalimit pretendojnë se këta punonjës mund të gjejnë punë edhe nëse nuk përfshihen në këtë sektor. Ata gjithashtu argumentojnë se shitësit e leshit dhe prodhuesit përfaqësojnë vetëm një pjesë të vogël të rreth 180,000 njerëzve që punojnë në industrinë e modës së qytetit. “Ka shumë hapësirë për rritjen e vendeve të punës që zhvillojnë materiale etike dhe miqësore me mjedisin”, tha kryetari i Këshillit Bashkiak të Nju Jorkut, Corey Johnson.

Joshua Katcher, një dizajner mode në Manhattan, i cili ka mësuar në Shkollën Parsons të Dizajnit, thotë se ai beson se ndalimet e propozuara pasqyrojnë një dëshirë në rritje për të ditur se nga vijnë produktet tona dhe për ata që të jenë të etikës dhe të qëndrueshme.

 

Më Shumë