.png)
Olsi Uku është trajneri i ri i Dinamos. Klubi kryeqytetas, pas largimit të stafit italian me Morieron dhe Mikolin, ka emëruar Ukun në detyrën e trajnerit. Ai ka qenë pjesë e stafit të Dinamos sezonin e kaluar, si ndihmës i Fabricio Kamaratës, ndërkohë që ka drejtuar edhe Dinamon U-21. Lajmi është bërë i ditur nga faqja zyrtare e Dinamos.
“Tekniku 31-vjeçar rikthehet në pankinën blu pas një eksperience të shkurtër si zv.trajner te Tirana. Uku është një njohje e vjetër e ekipit, pasi ka qenë në rolin e zv.trajnerit edhe gjatë sezonit të kaluar. Trajneri i ri ka mbështetjen e plotë të presidentit Pontreli dhe stafit blu, ndërsa shihet si zgjedhja më optimale, falë edhe njohjes së skuadrës nga afër”, - shkruhet në njoftimin e klubit.
Uku do të debutojë nesër në stolin e Dinamos, në ndeshjen e radhës me Veleçikun në kampionat. Blutë mbajnë vendin e dytë në Grupin A dhe kanë nevojë për pikët maksimale në këtë ndeshje, pasi pretendimet e tyre janë për kthimin në Superiore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
