Lajme

Një sulm kibernetik botëror, mund të shkaktojë 200 mld $ dëme

Një sulm kibernetik në internet i nisur në një shkallë globale, do të kishte potencial për të shkaktuar dëme prej gati 200 miliardë dollarësh. Për të përshkruar skenarin, është projekti “Cyber Risk Management”, një iniciativë e Singaporit e specializuar në rreziqet e IT, që përfshin siguruesit e Lloyd dhe Aon.

Sipas studimit, një sulm kibernetik global që shfrytëzon “ransomware” - që është, virusi që "merr peng" sistemin e informacionit për të marrë një shpërblim - mund të kushtojë 193 miliardë dollarë dhe të godasë mbi 600 mijë kompani në mbarë botën.

Në skenarin hipotetik të përshkruar, sulmi është nisur me një email të infektuar, i cili është dërguar për të gjithë kontaktet që e hap atë dhe se brenda 24 orëve mund të përhapet deri në pikën që të konfiskohen, të dhënat e përmbajtura në 30 milionë pajisje në mbarë botën. Kompanitë pastaj do të detyroheshin të paguanin shpërblime ose të zëvendësonin pajisjet e infektuara.

Sipas ekspertëve, sektori i shëndetësisë dhe sektori i shitjes me pakicë do të preken më shumë, me 25 miliardë dollarë secili, pasuar nga prodhimi. Në një nivel gjeografik, sulmi do të ishte më i rëndë për Shtetet e Bashkuara, ku do të rrezikonte 89 miliardë dollarë dhe për Europën (76 miliardë).

Pavarësisht ashpërsisë së rrezikut - është e dukshme në studim - ekonomia globale nuk është e përgatitur për një sulm të tillë. Vetëm 14% e kostove totale do të siguroheshin, duke lënë 166 miliardë dollarë pa sigurim.


Copyright © Gazeta “Si”


Më Shumë