.png)
Në Prishtinë është përuruar busti i ish-sekretares amerikane të shtetit, Madeleine Albright. Ai është vendosur pranë monumentit NEWBORN, gjatë festimeve për 20-vjetorit të çlirimit të Kosovës.
Para të pranishmëve sekretarja Albrighti ka falënderuar qytetarët e Kosovës për mikpritjen e madhe.
“Do të doja t'ju falënderoja të gjithëve për këtë nder. E falënderoj edhe personin që ka bërë këtë bust, sepse më ka bërë kaq të gjatë. Kjo është Kosova që duam dhe për të cilën luftuam”, ka deklaruar ish-sekretarja e shtetit.
“Jam shumë krenare që jam këtu. Edhe une jam emigrante dhe nuk kam lindur në SHBA. Por SHBA është shtet i madh që ndihmon në vendosjen e paqes dhe stabilitetit. Jam e nderuar”, ka deklaruar në fund Albright.
Ajo dhe ish-presidentin amerikan, Bill Clinton kanë ecur nëpër sheshet e Prishtinës, të rrethuar nga qindra qytetarë që dëgjoheshin tek thërritnin vazhdimisht emrat e tyre.
Ata shoqëroheshin nga ish-komandanti i NATO-s Wesley Clark, nga presidenti Hashim Thaçi, kryeministri Ramush Haradinaj dhe personalitete tjera të larta politike nga Kosova dhe jashtë saj.
Personalitetet e larta janë ndalur te monumenti për ushtarët që kanë humbur jetën gjatë shërbimit në Kosovë. Aty, ish-presidenti amerikan Bill Clinton dhe ai i Kosovës Hashim Thaçi kanë vënë kurora me lule.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
