Nga Gazeta Si- Sot ka nisur edhe sesioni i ri parlamentar dhe që në momentet e para është përfshirë nga të qeshurat.
Shkak është bërë leximi i një kërkese të sjellë nga PD sot në orën 09:00 në sallën e Kuvendit, kur kryepalamentarja Lindita Nikolla prezantoi si kryetar grupi të demokratëve, Lulzim Basha. Ky njoftim ka shkaktuar të qeshura, si nga të majtët dhe të djathtët.
Në statutin e ri të PD-së u caktua që Basha të ishte dhe kreu i grupit parlamentar. Ndërkohë ai tha sot se këtë detyrë do ia delegojë njërit nga nënkryetarëve të PD-së.
“Ju njoftoj se ka ardhur një njoftim në orën 9 nga Partia Demokratike, e cila më njofton se bazuar në nenin 9 të rregullores së rregullores së grupit parlamentar të PD, bazuar në vendimin e kryesisë së PD më 2 shtator, më vënë në dijeni se kreu i grupit parlamentar të PD është zoti Basha.”, tha Nikolla, ndërkohë që deputetët qeshën ndërsa Bardhi reagoi duke i thënë diçka nga vendi i tij Bashës, me të cilin ishte ulur shumë pranë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.