Niger, puçistët dërgojnë përforcime në kryeqytet dhe refuzojnë dialogun

Gazeta Si - Forcat e armatosura të Nigerit po sjellin përforcime në kryeqytet për t'u përgatitur për një ndërhyrje të mundshme ushtarake nga Ecowas.

Një kolonë prej rreth 40 kamionësh mbërriti në perëndim të diellit të dielën në kryeqytetin Niamey, duke sjellë trupa nga pjesë të tjera të vendit, raportoi CNN, duke cituar një burim ushtarak.

Në të njëjtën kohë, junta ushtarake në pushtet pas grushtit të shtetit të 26 korrikut, refuzoi të priste delegacionin e përfaqësuesve të organizatës rajonale të Afrikës Perëndimore Ecowas, Bashkimit Afrikan dhe Kombeve të Bashkuara, të cilët priteshin në kryeqytet të martën për negociatat për stabilizimin e rendit kushtetues.

Nigeri u fut në kaos në 26 korrik, kur presidenti Mohamed Bazoum u rrëzua nga garda presidenciale në një grusht shteti.

Ecoëas u përgjigj disa ditë më vonë duke lëshuar sanksione dhe duke i dhënë një ultimatum juntës ushtarake në pushtet: jepni dorëheqjen brenda një jave ose përballeni me ndërhyrje të mundshme ushtarake. Afati kaloi të dielën pa ndryshuar situatën politike.

Sipas Bashkimit Evropian, i cili ka shprehur "mbështetje të fortë për aktivitetet e Ecowas dhe qëndrimin që ka marrë", megjithatë, ka ende hapësirë për diplomaci të paktën deri në takimin e jashtëzakonshëm të organizatës të planifikuar për të enjten.

Zëdhënësi i politikës së jashtme të BE-së, Peter Stano, sqaroi se Brukseli është "në kontakt me vendet anëtare dhe me Ecowas", i cili është lojtari kryesor në rajon", duke përsëritur "mbështetje të plotë për çdo vendim do të merret" nga Komuniteti Ekonomik i shteteve të Afrikës Perëndimore.

Ndërkohë, situata ndërlikohet edhe nga mbështetja e Malit dhe Burkina Fasos për juntën e grushtit të shtetit në Niger, e cila rrezikon të shkaktojë një konflikt rajonal në rast të ndërhyrjes nga Ecowas.

Mbështetja u riafirmua në fund të një takimi në Niamey mes juntës ushtarake dhe përfaqësuesve të dy vendeve fqinje.

Ministri malian, Abdoulaye Maiga njoftoi se gjatë takimit "ne riafirmuam vendimin e presidentëve Goita (Mali) dhe Traoré (Burkina Faso) për të marrë pjesë plotësisht në operacionet legjitime të mbrojtjes së bashku me forcat e mbrojtjes dhe sigurinë nigeriane".

Maiga më pas vuri në dukje se "Burkina Faso, Mali dhe Nigeri janë përballur me pasojat socio-ekonomike, të sigurisë dhe humanitare të aventurës së NATO-s në Libi për më shumë se një dekadë", duke ftuar Ecowas "të adresojnë ultimatumet e tyre grupeve terroriste".

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.