Gjykata e Fierit ka lënë në burg 43-vjeçarin Arsen Selimi, i denoncuar nga vajza e mitur e vëllait të tij për ngacmim seksual.
Seanca për masën e sigurisë është mbajtur të enjten, më 4 mars.
Mësohet se i arrestuari Arsen Selimi nuk e ka pranuar akuzën e ngritur nga prokurori Hysen Ajasllari, duke deklaruar se 13-vjeçaren e ka mbesë dhe e respekton si vajzën e tij.
Edhe avokati i tij Rudin Bircaj ka kërkuar masën “detyrim paraqitje” për klientin e tij.
Por gjyqtarja Erlanda Agaj pranoi kërkesën e organit të akuzës duke vendosur “Arrest me burg” për të arrestuarin Arsen Selimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.