.png)
Parisi, Hong-Kongu dhe Singapori janë tre qytetet më të shtrenjta në botë, sipas një raporti të publikuar këtë javë nga Njësia e Inteligjencës Ekonomike. Singapori kryesonte renditjen e 133 qyteteve në vitin 2018 dhe është qyteti i vetëm që ka mbetur në të njëjtin vend në renditjen e qyteteve më të preferuara të raportit. Qytete të tjera aziatike në krye të listës janë edhe Osaka në Japoni dhe Seuli në Korenë e Jugut. Sa u përket qyteteve evropiane, Zyrihu ishte qyteti i katërt më i shtrenjtë, i ndjekur nga Gjeneva dhe Kopenhageni.
Nga SHBA-të, Nju Jorku dhe Los Anxhelos u renditën si qytetet më të shtrenjta. Nju Jorku luajti gjashtë vende në renditjen e këtij viti, ndërsa Los Anxhelos ra me katër pozicione. Tel Avivi është në vendin e dhjetë dhe është i vetmi qytet në Lindjen e Mesme në listë. Në vitin 2014-të, ai u rendit i 28 në këtë listë. Kostot e transportit në Tel Aviv janë rreth 64% më shumë se në Nju Jork.
Për të nxjerrë qytetin më të shtrenjtë, raporti përdor një kombinim të kategorive, shpenzimet e ekonomisë shtëpiake, transportit, ushqimit dhe kujdesit personal. Sipas kategorisë, qytetet aziatike kanë tendencën të jenë më të shtrenjtë për pazaret e përgjithshme ushqimore, ndërkohë që qytetet evropiane janë më të prekshmit në kategoritë e kujdesit personal, pushimeve dhe argëtimit. Në të gjithë globin, kostoja e jetesës ka rënë në 69%, nga 73% vitin e kaluar, thuhet në këtë raport.
Singapor
Hong-Kong
Paris
Zyrih
Osaka
Seul
Gjenevë
Kopenhagen
Nju Jork
Tel Aviv
Los Anxhelos
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
