Kanë mbetur edhe gjashtë ditë nga mbyllja e një merkatoje të çuditshme dhe të gjatë. Ka ende shumë transferime që ende nuk janë mbyllur dhe ka lojtarë që nuk e dinë se ku do të luajnë këtë sezon. Përveç kësaj, ekziston një listë e gjatë e lojtarëve që përmbushën një kontratë me klubet e tyre në qershor dhe aktualisht janë me parametra zero. Mes tyre, spikasin emrat e Cavani, Callejón, Sturridge ose Garay. Ky është një formacion ideal me 11 lojtarë që mund të merren me parametra zero.
Edinson Cavani
Sulmuesi uruguaian është më i kërkuari nga të gjithë lojtarët që aktualisht janë të lirë. Ish-lojtari i PSG-së është përfolur për një kalim te Atlético, Benfica, Real Madrid ose Inter Miami, por asnjë ofertë nuk po e bind. Sulmuesi, i cili shënoi 200 gola në shtatë sezone te PSG, është ende në kërkim të një ekipi.
Daniel Sturridge
Anglezi është një tjetër lojtar që aktualisht është pa ekip. Sezonin e kaluar ai luajti në Ligën Turke te Trabzonspor, me të cilin përfundoi në vendin e dytë. Në Turqi ai luajti 11 ndeshje në të cilat shënoi katër gola dhe dha katër asist . Tani, në moshën 31 vjeçare, ai po kërkon një ekip.
Mario Gotze
Shënues i golit që i dha Kupën e Botës Gjermanisë, është pa ekip pasi i dha fund kontratës me një nga klubet e jetës së tij: Dortmund. Dëmtimet e shpeshta e kanë penguar të shkëlqejë. Në moshën 28 vjeç atij i mbeten akoma vite futboll, prandaj Bayern mund të marrë falas. Në sezonin e tij të fundit me Dortmund ai luajti 15 ndeshje në Bundesliga në të cilat shënoi tre gola.
Samir Nasri, Yohan Cabaye, Nathaniel Clyne, Ezequiel Garay, Daniel Schwaab janë të tjerë lojtarë që janë pjesë e formacionit me parametra zero. Pa harruar Jose Callejon, spanjollit që bëri histori në Napoli, teksa luajti 349 ndeshje dhe shënoi 82 gola. Në portë qëndron Luca Zidane, djali i trajnerit të Real Madrid. AI vjet ishte i huazuar te Santander, ku nuk zhgënjeu dhe ishte një nga lojtarët më të mirë të ekipit të sezonit, por pavarësisht performancës së mirë ai nuk mund të shmangte rënien e ekipit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.