.png)
Inventari në rritje, por shitjet në rënie janë shenjat që i bënë kompanitë e makinave të pranonin se planet për një zhvillim të tregut të makinave elektrike po dështojnë.
Liderët e prodhuesve më të mëdhenj të mjeteve në botë njëzëri thanë se tregu i makinve elektrike nuk po ecën ashtu siç pritej dhe kjo vë në rrezik të gjithë strategjitë miliarda dollarëshe të elektrifikimit.
Një ndër ta ishte dhe CEO e "General Motors", Mary Barra, ndër të parët që loboi për një zhvillim të këtij tregu. Por këtë herë, Barra është ulur “me këmbë në tokë”. Kompania njoftoi se do të heqë dorë nga qëllimi për të prodhuar 100.000 EV (mjete elektrike) në gjysmën e dytë të vitit dhe 400.000 të tjera për 6-mujorin e parë 2024. "GM" nuk e di se kur do të mund t’i arrijë këto shifra.
“Rruga për tek makinat elektrike është me shumë kthesa”, tha ajo.
Edhe "Tesla" e Elon Musk parashikoi se shqetësimet ekonomike do të dëmtojnë kërkesën për makinat elektrike dhe do të ndikojë gjatë në këtë treg.
Nga ana tjetër, "Mercedez-Benz" është detyruar të ulë çmimin e shumë makinave elektrike që ka nxjerrë, me mijëra dollarë, vetëm që ato të blihen.
"Kjo është një situatë mjaft brutale," tha CFO Harald Wilhelm në një telefonatë.
EV-të po bëhen më të vështira për t'u shitur
Por Mercedes nuk është i vetmi. Pothuajse të gjitha produktet aktuale EV po zhvlerësohen.
Kjo ndodh ndërsa inventari grumbullohet tek tregtarët, gjë që po i shqetëson shumë ata. Ndërsa blerësit e makinave janë me fat nëse kërkojnë një marrëveshje për një automjet me prizë, drejtuesit po zbulojnë se edhe uljet e konsiderueshme dhe zbritjet nuk janë të mjaftueshme. Këto makina u kërkojnë tregtarëve më shumë kohë për t'u shitur në krahasim me makinat me djegie, pasi vala e ardhshme e blerësve fokusohet në koston, sfidat e infrastrukturës dhe barrierat e stilit të jetesës për t'u adoptuar.
Vetëm disa muaj pasi tregtarët filluan të paralajmërojnë për ngadalësimin e kërkesës për automjete elektrike, prodhuesit duket se po e arrijnë atë realitet. "Ford" ishte i pari që e shpalosi, pasi tregtarët filluan të refuzonin Mach-E. Në korrik, kompania zgjati afatin e vetë-imponuar për të arritur prodhimin vjetor të automjeteve elektrike prej 600,000 për një vit dhe braktisi objektivin e vitit 2026 për të ndërtuar 2 milionë EV.
Në anulimin e planeve me "GM" për të bashkëzhvilluar EV nën 30.000 dollarë, CEO i "Honda", Toshihiro Mibe tha se ndryshimi i mjedisit EV ishte i vështirë për t'u vlerësuar.
“Pasi e studiuam këtë për një vit, vendosëm që kjo do të ishte e vështirë si biznes, kështu që për momentin po i japim fund zhvillimit të një EV të përballueshëm”, tha Mibe në një intervistë me Bloomberg këtë javë.
Për disa, kjo tërheqje nuk është befasi.
"Njerëzit më në fund po e shohin realitetin," tha kryetari i Toyota Motor, Akio Toyoda në Panairin e Mobilitetit në Japoni, raportoi Wall Street Journal. Toyoda ka qenë prej kohësh skeptik për projektet e pastra elektrike të kolegëve të tij. /BusinessInsider
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
